Met du-mañ e bord ar mor oa klouar ha leinañ meur a dro war an digor_ nag e plij d'an dud bout er-maez o tebriñ, evañ, flapañ gant ken tra war an daol nemet dres an debriñ hag an evañ, arabat pediñ ar skrammoù da zont hag em blijout ouzh allazigoù an heol ha dizalc'hted an empenn diouzh ar redioù boas: sellout ouzh ar skinweler, nepell eus an ardivinkoù all...Muioc'hik e ve..piknikañ dindan an amzer, dindan ar gwez, e-tal ar mor...met dizale e vo graet c'hoazh.
E Hawai hon dije gellet hen ober ivez met divizet e oa un deiz ur wech da vat, tapout hor boued e pretioù: siwazh un dra voas eo e ranker gortoz ur pennad spontus a-raok bout servijet: hag an dra-se a chom digomprenus rak ne veze ordinal nemet nebeut a bratikoù; n'emañ ket ar respont d'hon souezhadenn e niver ar pratikoù: gortoz zo ur boaz; anaout a ran tud en hor bro ivez hag e vez ingal ganto lakaat ur pennad didrabas, ha goullo mat, a-raok degas ar boued war an daol; ne gomprenan ket.
NEPELL EUS UN DRAEZHENN A BLIJ DEOMP
GWELOUT A REER A BEP TU D HON TRAEZHENN STROBADOU REIER E VO BRAV DIWALL DIOUTO MET HEP RISKL DA GEJOUT GANT SILI MUREN AR WECH MAN
No comments:
Post a Comment