er c'hontrol dav eo kavout doareoù da'n em lezel da vont da gousket;
en deiz-all e'm eus klevet gant ur c'hlañvour Luriek e oa marvet e dad goude ma oan aet war va leve, em laosket da vervel, eme e vab, pa ouie e dad ne welfe ket ac'hanon ken, hag en deus graet emezañ
evitañ avat eo deut da vat hon zroioù gwidre gant e wreg: hounnezh ne oa ket evit kousket nemet en noazh dibitilh, ya, hep tamm tra warni
ha neuze pa save en noz peogwir ne oa ket lec'h ken er gwele gant dispac'het evel m'edo-hi, he divesker digor bras, he divrec'h e kroaz; ken ne oa spontet hon paotr
met ne oa ket evit kousket gant ar gwel eus an dispac'h-se
goulenn a rae louzoù kousket pe a-hent-all e c'hoarvezfe droug pe zroug rak chom hep kousket n'eo ket ebat
neuze e roen dezhañ tammoù kuzulioù ha tammoù louzoù; met dav oa kreskiñ ar bern evit ma teujent a-benn d'e sioulaat en noz
arabat derc'hel da vont e-mod-se, a laris dezhañ en diwezh: dav eo spontañ ho kwreg gant lavarout dezhi ez eus droug bras da'n em gavout ganti mar ne daol ket evezh; diwall ma riklfe he mammog er-aez eus he gouhin hag kement bouzell vras ha moan ha kourailhoù holl; pep tra a'n em gavje er-maez un deiz pe un noz bennak!
neuze e laras dezhi eus va ferzh diwall na'n em gavje an abadenn da wir
hag un deiz mintin mat, e tihunas-eñ goude un nozvezh kousk sioul ha didrabas: chomet oa ar pallenn hag al liñsel en o lec'h; n'he doa ket dispac'het en noz evel boaz; sioul pep tra
burzhud; na te zo sioul hiziv, gallet peus kousket e peoc'h a welan hep dispac'hañ; soñjal a ra din en deus graet vat dit klevout komzoù ar c'helenner M; asuroc'h an dazont bremañ!
eya emezi, met dav din anzav un dra: 'noz paseet e'm eus kavet pep tra dispaket aze
penaos'ta pep tra
ya mammog bouzelloù kourailhoù hag all pep tra pa laran dit oa strewet aze etre va divesker, ar gwir oa gant ar c'helenner M, ha chom a rin peoc'h hiviziken, se zo sur
hama, ar gwir oa gant M eveljust, met lar-din'tak, poanioù bras a dleez bezañ bet neuze, gant toud an traoù-se, ar gwad ha kement zo
tamm ebet, tamm poan ebet,
nemet evit lakaat anezho holl en o flas ne laran ket dit!
No comments:
Post a Comment