VE KET FALL LAKAAT KENVER HA KENVER AN DAOU VLOAVEZH GANT AR SPI NE VO KET EUS AN TREDE HINI
bonn, n'eo ket anat eo aet an traoù war-raok ken mat ha ma c'helled soñjal un nebet sizhunioù zo pa eo bet diskleriet brezel d'ar virus gant brec'hiennoù savet buan-ha-buan ha gant kalvezderioù arnevez (hag-eñ oant bet implijet araok?).
Setu un talbenn all gant emzisober eus an Donald- a zo graet ha graet mat;
hag ivez eus lanvadoù tud o tivroañ goude skarzhet eus o broioù gant hollveliourien ha danvez hollveliourien all o'n em gannañ;
eveljust bec'h gant ar re a faot dezho bout vaksinet, ha kement all gant ar re a eneb ouzh kement kemennadur
ha bec'h ivez gant kaout dic'hoant da ezommoù gwir pe kavet ez int gwir pa'z eus anezho dreist-ezommoù tud pinvidik en amzer a beoc'h; da laret eo, ni hag hon amezeien, hon kerent ha kilhoroù
ken e vez kazi bemdeiz keloù pe gourc'hemennoù; evel en amzer vrezel gant ar marc'had kuzh
Betek henn 'heller larout eo berr war ar brec'hiennoù daoust d'an niveradoù divent a glever; evit an dud avat eo hini hag hini ez a war-raok, ha re c'houstad eveljust
Betek henn'heller gwelout mareadoù tud e kampoù o c'houlenn mont tu bennak all da vevañ en-dro ivez ha mirout a'n em gontaminañ ouzhpenn gant ar c'hleñved-red stagus-tre petra bennak n'eo ket drastus evit ar rummadoù yaouankañ; a zegas ar re gozh (dre vras ha seul goshoc'h seul washoc'h), da stankañ dorioù an ospitalioù; a freuzh ar monedoneoù boas; a kemm buhez an dud kement ma vez bemdeiz urzhioù disheñvel, ha digomprenezon o kreskiñ;
Lod tud zoken a lavar e ouezont petra oa dav ober. N'eo bet graet nemet fazioù...
No comments:
Post a Comment